Штипските пензионери почнаа да се пријавуваат за обезбедување огревно дрво за наредната грејна сезона во Здружението на пензионери Штип. Претседателот на Здружението на пензионери, Ристе Нетков денеска изјави дека пензионерите можат да се пријават до 15 март. Посочи дека оваа сезона се очекува цената на огревно дрво да биде пониска за 10% споредбено со цената од минатата година.
– Од оваа недела, од 1 февруари пензионерите започнаа со запишување на огревни дрва. Цената не е конечно формирана, но се надеваме дека ќе биде 10% понсика од ланската година, вели Нетков.
Тој истакна дека оваа сезона во соработка со Национални шуми ќе се обидат да обезбедат поевтини дрва за пензионерите од социјален ризик. На тој начин ќе им помогнат да набават оргевно дрво по пониска цена и да ја поминат престојната грејна сезона.
-Оние кои се од социјален ризик правиме напори со Национални шуми да обезбедиме количина на дрва што ќе ја добијат, но тоа нема да зависи само од нас, вели Нетков.
Минатата година цената на огревните дрва се искачи до 5.000 односно 4.900 денари за метар просторен дрва.