Претседателката Гордана Сиљановска Давкова денеска му го додели мандатот за состав на нова влада на лидерот на ВМРО-ДПМНЕ, Христијан Мицкоски.
Според Уставот, односно според членот 84, став 1, алинеја 1, една од надлежностите на претседателот е доделување на мандат за состав на влада.
Согласно членот 90, став 1, алинеја 1, мандатот задолжително се доделува во период по истекот на десет дена од конституирањето на Собраникето и тоа на лидерот на партиите што имаат мнозинство во Собранието. Сведоци сме дека денеска истекува десетиот ден“, нагласи претседателката на чинот на доделување на мандатот.
При конституирањето на Собранието, претседателот на Собранието беше избран со 76 гласа „За“. Овој резултат и преговорите што се во тек, ми даваат за право основано да сметам дека лидерот на ВМРО-ДПМНЕ, Христијан Мицкоски има сериозна можност да формира влада, односно да освои 61 глас зад својата програма и зад составот на владата, што се разбира ќе го предложи во следните 20 дена. Задоволство ми е, со сигурност да верувам, рече претседателката, дека чекорот што го превземам на Христијан Мицкоски е вистински правен и политички чекор, нагласи Сиљановска Давкова.