Експлозив со голема разорна моќ синоќа околу 23.35 часот бил подметнат во редакцијата на подгоричкиот весник „Вијести“, под прозорецот на главниот и одговорен уредник Михајло Јововиќ, соопштува весникот на својата интернет страница.
Во моментот на експлозијата уредникот Михајло Јововиќ се наоѓал во канцеларијата, но не е повреден. Во редакцијата имало 15-на луѓе меѓу кои нема повредени.
Од силната детонација демолирани се подрумските простории и искршени се стаклата на неколку канцеларии. Полицијата врши увид.
На сигурносните камери се гледа како човек во црно палто со капа на главата приоѓа кон зградата, а потоа под прозорот на уредникот го поставива динамитот, се свртува и си заминува.
По пријавата за бомбашки напад, полицијата во Подгорица го блокираше целиот град по потрага по црн автомобил „опел корса“ кој со голема брзина се оддалечил од редакцијата и се упатил кон Клиничкиот центар.
Редакцијата на „Вијести“ беше каменувана на 8 ноември, како и во текот на Парадата на гордоста кога со камења беа искршена стаклата на прозорците.
Во август пред куќата на новинатор Туфик Софтиќ беше фрлена експлозинава направа, а физички беа нападнати новнарите Оливер Лакиќ, Михајло Јововиќ и директорот на весникот Жељко Јовановиќ, потсетува весникот. Полицијата се уште не ги расчистила овие случаи.