Францускиот претседател Емануел Макрон следната недела ќе ја објави својата кандидира за претседателските избори, закажани за април, јави денеска Франс инфо, додавајќи дека Макрон доцни со својата кандидатура поради украинската криза.
-За Макрон приоритет е прекинот на огнот меѓу Русија и Украина и поради тоа објавувањето на неговата кандидатура е одложено за следната недела, од 28 февруари, пренесе француското радио.
Макрон претходно изјави дека ќе ја поднесе својата кандидатура кога ќе се исполнат два услови – смирување на епидемијата на коронавирус и решавање на моментално ризичната меѓународна ситуација.
Рокот за поднесување на кандидатурата е до 4 март, до кога кандидатите требаше да соберат 500 потписи и спонзорства.
Иако се уште не е кандидат, според анкетите на јавното мислење, Макрон е фаворит во првиот круг од претседателските избори, закажани за 10 април.