http://www.youtube.com/watch?feature=player_embedded&v=YoAYc0kaPjA
Државната Телевизија Словенија е обвинета дека од политички причини повлече цртан филм во кој на децата на едноставен начин им се објаснува аферата „Патриа“, каде е обвинет поранешниот словенечки премиер Јанез Јанша.
Цртаниот филм започнува со објаснување како започнала аферата- во 2006 година Владата заклучила дека и се потребни 135 нови оклопни возила за превоз на пешадијата. Наводно, Финците работата ја обезбедиле со убав паричен износ кој им е даван на посредниците, а тоа е корупција, подмитување, им се објаснува на децата. Затоа Јанша е осуден на 22 месеци затвор, а бизнисмените Иван Чрковиќ на 19 месеци, а Антон Крковиќ на 22 месеци.
Но, филмот му пречеше некому – на политичар, на моќник од телевизијата, прашуваат словенечките медиуми.
Јанша, преку Твитер напишал: „Сите ја плаќаме РТВ Словенија, но не за индоктринација на децата“.
Катедрата за новинарство излезе со став дека станува збор за важна тема која треба да и се претстави на децата.