Љубомир Костовски: Светот може да пропадне, само ве молам не во овие вести, Вестите во 12.30 на Телма почнаа со убаво подготвени прилози за она што е навистина тема број 1 во светот. За нешта од кои светот може да пропадне! Собрани и наредени новите моменти за тарифите на Трамп. Вестите на МТВ во 13 часот започнаа – очекувано со Мицковски. Одговор на новинарско прашање, нели, без да го чуете прашањето. И третата вест во хронологијата беше врзана за Мицковски, за да ви остане во долго помнење. Веста за падот на берзите во целиот свет МТВ, ја даде после метеоролошкиот извештај… Ако е утешно тоа беше и единствена надворешно политичка вест во овој пладневен дневник. Ако е и надворешна, бидејќи, како што гледам и кај нас позицијата на Берзата на акциите не е најсјајна…. Ама тоа не се коментира, нели. Ете тоа е разликата меѓу вести на една тв куќа со национална фрекфенција и МТВ која стана огласна табла на Владата.