Расправата по Информацијата за содржината на Предлог преговарачката рамка за пристапните преговори на Македонија со Европската Унија, предложена од француското претседателство, ќе продолжи утре во 11 часот.
Во Собранието и денес напнато, опозицијата со вувузели и навреди кон владејачкото мнозинство
Според списокот на пријавени пратеници, останати се уште тројца пратеници кои имаат право на збор, по што Собранието ќе треба да одлучува по Информацијата за содржината на Предлог преговарачката рамка.
СДСМ ги повика пратениците да гласаат за францускиот предлог, ВМРО-ДПМНЕ обвинува за предавство
Во собраниската сала и вечерва атмосферата беше проследена со прозивки и обвинувања од двата табора. Опозициските ВМРО-ДПМНЕ и Левица бараа отфрлање на овој предлог кој, според нив, води кон директна асимилација на македонскиот народ, уцени и повеќегодишно попречување на евроинтегративниот процес од страна на Бугарија. За разлика од нив од владеачкиот табор смируваа дека преговарачката рамка нуди неповредливост на македонскиот идентитет и јазик и почеток на преговори за полноправно членство во ЕУ.
(Видео) Костовски од СДСМ и Апасиев се зaтуркаа во Собранието, Мисовски и Адеми ги раздвојуваа
Пратеникот од ВМРО-ДПМНЕ, Тони Јарески рече дека 73 отсто од народот е против овој договор.
„Имате надвор народ на улиците, деноноќно, експерти, членови на сите партии, активисти, загрижени граѓани за нивната иднина. Сите во еден глас кажуваат освестете се и не го прифаќајте ова. Почеток за преговори нема, бидејќи барањата за преговорите немаат крај, и бараат да се отвори Уставот, но тоа нема да се случи. Овој договор е ништовен, ниеден пратеник на ВМРО-ДПМНЕ нема да подржи уставни измени, ВМРО-ДПМНЕ ќе ги штити интересите на Македонија и Македонците“, истакна Јарески.
Синиша Стојановски од ВМРО-ДПМНЕ рече „сите сме за тоа да бидеме дел од европското семејство, но битно е под какви услови“.
(Видео) Не мафтај со прстот оти може да ти биде скршен, му рече Џафери на Апасиев
Според пратеничката од ВМРО-ДПМНЕ, Ангелинка Петкова, нема никакви гаранции дека ќе нема натамошни условувања од страна на Бугарија. Напротив, посочи таа, барањата ќе се множат и нема да имаат крај.
Пратеничката Марија Георгиевска од СДСМ, реплицирајќи на обраќањето на пратеникот Зоран Коцевски од ВМРО-ДПМНЕ и обраќајќи се до пратениците од таа партија, рече дека оваа држава ќе оди напред.
„Никогаш нема да ја вратите оваа држава назад“, порача Георгиевска.