Треба ли да биде убиен лекар за да се донесе Закон за доктори? Одливот на лекари е заради робовските услови за работа на специјализантите и лекарите во Македонија. Пациентите и лекарите мора да сфатат дека проблемот во јавното здравство е во оној што ги поврзува, во Министерството за здравство, кое партизира и се контролира.
Но, лекарите се виновни што дозволија да работат во неприроден систем и под асполутната власт на директорите.
„Приватните специјализанти одат на работа, дежураат, а не добиваат плата. Државните пак, потпишуваат лихварски договор со Министерството за здравство. Специјализациите се делат париски, при што основен критериум е лојалноста“ велат во разговорот во ПРОЦЕС, Биљана Додева, специјализант и преставник на Групата специјализанти и Дејан Ставриќ очен хирург и поранешен лидер на Синдикатот на клиниките.