Цивил – Центарот за слобода организира поетско-музички перформанс под наслов „Стихови на слободата“ утре (сабота, 16 ноември) на платото Мост на влезот во Стара Скопска Чаршија со почеток во 13 часот.
Со свои „Стихови на слободата“ ќе настапат Николина Андова, Линдита Ахмети, Кочо Андоновски и Џабир Дерала како поети, додека музички настап ќе имаат Orange Groove и Марио Јанкуловски.
Овој настан е во рамките на проектот „Проговори!“. Во овој проект, финансиран од Министерството за надворешни работи на Сојузна Република Германија, учествуваат уметници од различни области на творештвото во одбрана на човековите права и слободи и работат на тоа да ја поттикнат солидарноста меѓу граѓан(к)ите. Повод за организирање на овој настан е Меѓународниот ден на толеранцијата.
Цивил – Центар за слобода е дел и од Маршот на толеранцијата под мотото „Македонија има љубов за сите“ предводен од Хелсиншки комитет за човекови права кој се организира по повод Меѓународниот ден на толеранцијата.