Вечерва, во клубот „Хард рок“, свечено беа доделени наградите „Златна мравка“ на манифестацијата што ја организираше интернет сајтот www.milingona.net
Добитници на првата награда „Златна мравка“ за животно дело се академикот и писател Али Алиу и светски познатиот сликар Омер Калеши.
За особени достигнувања во областа на музиката, награда доби Селами Колоња за неговиот ангажман во настанот што се одржа минатата година под наслов „Песните на векот“ .
Во областа на визуелните уметноси наградата му припадна на познатиот графички дизајнер Таби Азири.
Наградата за највисоки достигнувања во литературата за 2012 година, му припадна на Селадин Салиху автор на монографијата „Поетика на прозата на Мурат Исаку“.
Награда за промоција на албанските вредности доби Владо Поповски, кој минатата година ја објави книгата „Албанското национално ослободително движење од 1830 до 1912 година“.
„Златна мравка“ за најдобар актер во 2012 ја доби Џевдет Јашари за улогите во театар и во филмот „Агон“ на Роберт Будина.
Конкурсот за годишните награди „Златна мравка“ беше распишан во февруари за особени достигнувања во различни категории: научни изданија, култура, забава и награда за животно дело и за промоција на албански вредности.