Светска здравствена организација (СЗО) вети дека ќе испрати експерти кои би требало да ја спречат сексуалната експлоатација на 10 локации.
Одлуката е донесена по големиот скандал во Конго, каде персонал на СЗО е обвинет за сексуално злоставување на жени.
Голем број западни донатори на хуманитарна помош побараа од СЗО да покрене детална независна истрага, која треба да утврди како се случил скандалот.
Околу 83 лица во Конго кои помагаа во текот на пандемијата со ебола, од кои една четвртина работеа за СЗО, се вмешани во сексуална експлоатација и злоставување на жени во периодот од 2018 до 2020 година, соопшти минатата недела независна комисија.