Индикатор за тоа како функционира здравствениот систем во една држава е смртноста на новореденчињата. Тоа е последица од поранешното девалвирање на здравствениот систем во Македонија – вака ја искоментра состојбата со здравството, министерот Арбен Таравари кој е генерален сектретар на Алијанса на Албанците и кандидат за градоначалник на Гостивар. Тој ќе се бори во вториот изборен круг.
-Овие избори се поважни, отколку централните. Имавме договори и пред првиот круг, ама оставивме за во вториот круг да се случи и онаму каде што треба да се помагаме. Во централно ниво продолжуваме. Се доведовме во ситуација да соработуваме со БЕСА, затоа што СДСМ во сите општини им помогна на ДУИ, во сите општини без исклучок. Гласачкото тело на СДСМ е такво да еден дел не е послушен, па така и со Гостивар. Тоа се чесни граѓани кои не гласаат – рече Таравари во телефонскиот повик во живо, во емисијата „Ноќно студио“ одговарајќи на прашањето на Борјан Јовановски, како тоа до вчера биле непријатели, а сега влегуваат во коалиција со БЕСА.
БЕСА и Алијанса на Албанците се во коалиција за 12 општини, со 12 заеднички кандидати за вториот круг на изборите. Нивната намера е да го исфрлат Али Ахмети од игра на повеќе нивоа.
-Ова е политика, во политиката сè е можно – констатираше Таравари.