Пало Алто: Американската компанија Тесла, во сопственост на Илон Маск, ќе отпушти 10% од своите вработени поради падот на побарувачката за електрични возила. Компанијата побара од своите менаџери да ги идентификуваат клучните членови на тимот и да го паузира наградувањето, а откажана е и годишната евалуација на некои вработени.
Според последниот извештај, најголемиот светски производител на автомобили по пазарна вредност во декември минатата година имал 140.473 вработени на глобално ниво, а сега ќе отпушти 15.000 од нив.
Генерално, електричните возила го освојуваат остатокот од светот многу побрзо од САД. Со 4,4 милиони продадени единици на глобално ниво во четвртиот квартал и 13,7 милиони во целата 2023 година, електричните возила учествуваа со 18% од вкупната продажба на патнички возила во светот минатата година. Ова според податоците што ги објави Блумберг во април.