Најмалку три лица загинаа при експлозија во станбена зграда во Букурешт

Букурешт: Најмалку три лица загинаа, а 17 се повредени при експлозија во главниот град на Романија.

Експлозијата се случи во осумкатна станбена зграда.

Пожарот се проширил од првиот до петтиот кат, како и на друг станбен блок.

Поради експлозијата зградата е во опасност од уривање и жителите се предупредени да не се доближуваат до објектот.

По експлозијата евакуирани се учениците и наставниците од блиската гимназија.