Колку точно Мицкоски ја протолкувал пораката на Агелер, ќе дознаеме наскоро, според неговите потези кои ќе ги преземе во наредните денови.
Драган Мишев
Меѓу првите кои испратија честитки за изборот на Радмила Шекеринска на местото заменик генерален секретар на НАТО беше Амбасадорката на САД во Северна Македонија, Анџела Агелер.
Воедно, таа изборот на Шекеринска му го честиташе и на премиерот Христијан Мицкоски и на Владата, за тоа што, како што вели, застанале зад нејзината кандидатура, што најверојатно, со дипломатски речник значи честитка затоа што успеле да се воздржат да не го блокираат процесот, што е вообичаена пракса на ВМРО-ДПМНЕ, како што беше случајот токму со напорите за уставните измени со промена на името за влез во НАТО, и сега со уставните измени за внесување на бугарите во Уставот со цел отпочнување на преговорите за членство во ЕУ.
„Моите најтопли честитки до Радмила Шекеринска, следниот заменик генерален секретар на НАТО и на Христијан Мицкоски и Владата на Северна Македонија за застапување на нејзината кандидатура. Моќен доказ за стручноста и искуството на Шекеринска и на улогата на Македонија како ценет сојузник на НАТО и партнер на САД“, напиша Агелер.
Колку точно Мицкоски ја протолкувал пораката на Агелер, ќе дознаеме наскоро, според неговите потези кои ќе ги преземе во наредните денови.
Честитки за новата позиција на Шекеринска, која е прв висок функционер од Западен Балкан во НАТО и одигра клучна улога во зачленувањето на Северна Македонија во Алијансата дојдоа и од колегите од нејзината партија, Филипче, Спасовски, Ковачевски, Заев, Десковска, Маричиќ, Зајкова… Се уште не се пристигнати честитките и признанието од премиерот Мицкоски, министерот за одбрана Мисајловски, кои по треземањето на власта се редовни посетители на самити и средби во НАТО, како и од претседателката Силјановски Давкова, која воедно е и врховен командант на Армијата, за изборот на Радмила Шеќеринска на местото заменик генерален секретар на НАТО, за што сакале/несакале, ќе мора да признаат дека е огромен успех на Република Северна Македонија , и преку изборот на Шекеринска, признание на нејзината посветеност при носењето на историската одлука земјата да стане, сега веќе признаена и ценета полноправна членка на НАТО.
Текстот е сопственост на ЦивиМедиа.мк