Оскаровката Тилда Свинтон во текот на следниот месец за во Музејот МОМА во Њујорк ќе спие по седум часа дневно Ѕвездата ќе биде изложена на погледот на јавноста во еден од најинтимните делови на на човечкиот живот – спиењето.
Посетителите на Музејот на модерна уметност во Њујорк, ќе имаат можност да одблизу, но преку стакло да ја набљудуваат актерката.
Свинтон ќе спие во пластична кутија, облечена во фармерки, кошула и патики. Кутијата има натпис на содржината на експонатот: „Жив уметник, стакло, челик, душек, перница, лен, вода и очила“.
Перформансот со наслов „The Maybe” („Можеби“) нема да се случува секој ден, актерката сама ќе одлучи кога ќе се појави во кутијата, а кога не. Нејзиниот распоред на спиење не го знае никој, дури ни персоналот на музејот, а стаклената кутија секој ден ќе се наоѓа на различно место.
Тилда Свинтон истиот перформанс го има изведено во Лондон 1995 година и во Рим 1996. Во текот на седум часа, таа ги менува позите, но набљудувачите не знаат дали навистина спие или не.