Тито Петковски- треба да му плати на премиерот Груевски 650.000 или над 10.000 евра. Судијата Нухи Рустеми оцени дека барањето на Груевски делумно се усвојува и се утврдува одговорниост кај тужениот Петковски за изречена клевета.
Тужбата на премиерот се однесува на изјавата за неделен Фокус на Петковски дека Груевски се согласил за промена на името а премиерот Груевски побара од Петковски 15. 000 евра за нанесување душевна болка.
Тито Петковски за НОВА изјави: Ова не беше судење, ова беше инквизација. Ние ја знаевме пресудата уште на рочиштето на 11 јули, затоа што беше јасно однесувањето на судијата.
Судијата не ни дозволи да изнесеме ниту еден доказ, ниту пак да му поставиме прашања на премиерот. Освен тоа, не беше дозволено псхијатриско вештачење и не знам како судијата ја утврди душевната болка- вештачењето е клучно во вакви случаи и нешто што законот јасно го бара.
>>Петковски: Груевски не трпи навреди а ги навредува другите
>>Судење Груевски vs Петковски- тужба за промена на името
Премиерот Груевски ова тврдење на Петковски во судницата во петокот го отфрли со зборовите:
– Овие невистини ги доживеав многу емоционално, со чувство на загриженост и внатрешен немир од можноста ова тврдење да биде прифатено- и само мал дел од мојата потесна и поширока средина, дека јас сум прифатил промена на името.
Тужителот пак, од своја страна не прифати дел од доказите на одбраната.
Сепак, во изјава за интервју за НОВА Бујар Османи, портпаролот на ДУИ го истакна заедничкиот став на ДУИ и ВМРО-ДПМНЕ, односно на власта за неопходноста од промена на името.
Во најголем дел прашањата на одбраната, односно на адвокатот Миодраг Вујиќ кој го застапува Тито Петковски се одбивани, односно тужителот се противел на прашањата на одбраната во најголем дел, а судијата ги прифаќал приговорите на тужителот.
Тито Петковски во својот исказ во петокот изјави дека премиерот е човек што не трпи навреди, а своите јавни говори ги користи да навреди други луѓе. Тука судијата го прекинал Тито со образложение дека тоа не е предмет на судењето и треба да се зборува само за предеметот на тужбата – се однесува на изјавата за неделен Фокус на Петковски дека премиерот Груевски се согласил за промена на името.
Петковски оваа недела во интервју за НОВА изјави дека очекува да ја добие тужбата од Груевски.