Александар Трајковски херојот на синоќешниот натпревар ја донесе победата на Македонија во бараж натпреварот со Италија за светското фудбалско првенство во Катар, испрати порака до целата македонска јавност.
– Ова е за моето семејство и за цела МАКЕДОНИЈА!, – порача стрелецот на голот во Палермо.
Трајковски ја затресе мрежата на италијанската репрезентација на фудбалскиот меч во Палермо на две минути пред крајот на натпреварот, триумфирајќи над Италија со 1 спрема 0.
Полувремето и двете репрезентации го завршија со 0:0 резултат.
Со ваков исход од мечот, Италија остана без можност да учествува на мундијалот.
Со оваа победа македонската фудбалска репрезентација се пласира во финале каде ќе игра со Португалија во Порто, откако португалците исто така вечерва ја победија Турција.
Македонската фудбалска репрезентација вечер се враќа во Скопје, а предвидено е македонската фудбалска експедиција со чартер-лет од Палермо да пристигне на скопскиот аеродром околу 18 часот.
Селекторот Благоја Милевски ќе ги искористи деновите од викендот за мини подготовки за финалето против Португалија, кое ќе се игра во вторник од 20:45 часот на стадионот „Драгао“ во Порто, а победникот ќе обезбеди настап на Мундијалот од 21 ноември до 18 декември во Катар.
Македонката репрезентација на дуелот против Португалија ќе биде посилна за Елјиф Елмас и Тихомир Костадинов, кои го пропуштија вчерашното полуфинале во Палермо поради жолти картони.