Оваа недела се одбележува една година откако над 200 девојчиња во Нигерија беа киднапирани од терористичката група Боко Харам, чие име се преведува како “западна едукација е забранета“.
Последниот извештај пак на агенцијата за деца при ОН вели околу 800 деца се принудени да ги напуштат своите домови како резултат на конфликтите во североисточна Нигерија.
Со таа цел, УНИЦЕФ организира кампања во која ги споделува со светот цртежите на децата погодени од оваа криза, во Нигерија, Чад, Нигер и Камерун.
Цртежите кои ги пренесува Индепендент:
Питер, 15-годишен бил одделен од неговата фамилија за време од извесен напад но разговара со своите родители преку телефон. Тој е сега бегалец во Чад но вели му недостигале животните дома. Тој нацртал дива свиња, слон, лав, змија и зајак.
14-годишната Рита ги нацртала своите браќа и сестри. Вели и недостигаат но не знае дали се живи или мртви.
15-годишната Аба нацртала деца во училиште, змија, риба, банани…Децата на цртежот одат на училиште со ранци во рацете.
Умар нацртал деца како одат на училиште. Тажно на сликата е што нацртал и напаѓачи како пукаат по децата.
Цртежот на Булуш е се она што му недостига. На сесија во УНИЦЕФ тој раскажува: Сите наши куќи беа запалени од Боко Харам. Загубивме се, дури и мангото засадено во нашиот двор.
Сона вели: Боко Харам ја бомбардираа црквата со службеникот внатре. Ми недостигаат многу работи, водата, фустаните, куќата, книгите…“
Сараја вели: „Ми недостигаат многу работи, особено мојата помала сестра која загина при нападите на Боко Харам во Нигерија“.
Зборувајќи за неговиот цртеж, Мамуду раскажува како Боко Харам му ја скршиле ногата на неговиот татко додека тој бегал. Загубиле многу, од мебел до домашно милениче.
Мухамаду вели тој ги загубил и брат му и помалото бебе, како и точакот и колата.
Ата Хина вели: „Ги нацртав мама и тато. Ми недостигаат многу. Не знам дали се уште живи или мртви. Од кога започна војната ги немам видено“.
Фалмата вели и недостигале игранките со нејзините браќа.
10-годишниот Сали вели му недостигала болницата во Бага.
Малата Идриса раскажува: „Боко Харам го бомбардираа компјутерот на татко ми кога ја бомбардираа нашата куќа во Нигерија. Тој компјутер беше на татко ми но можевме да си играме на него. Ја загубивме куќата, сега ми недостигаат книгите, мо