Денеска се навршуваат три години од упадот на полицијата во просториите на поранешната А1. Документарен филм направен за 18 годишнината од постоење на А1 Телевизија во македонскиот етер. Документарецот премиерно беше емитуван на 01 јуни 2011.
После упадот, апсењето на раководството и запленувањата на документацијата следуваше судски процес наречен „Пајажина“.
Во март 2012 беа изречени пресудите Велија Рамковски, сопственик на затворената А1 телевизија доби 13 години затвор. Судот го прогласи виновен за сите четири дела за кои беше обвинет: злосторничко здружување, перење пари, даночно затајување, злоупотреба на службената положба и овластување. Затворските казни за другите осомничени се движеа од две до седум години затвор.
Власта ја затвори А1, а до денеска ниту една телевизија не успеа да го заземе приматот кој таа го имаше во медиумскиот простор, ниту да ја стекне довербата кај аудиториумот.