Три лица се убиени, а четири ранети во напад до нож во близина на Тел Авив

0
By on СВЕТ
Фото: twitter

Најмалку три лица се убиени, а четири се ранети од кои двајца се наоѓаат во тешка состојба во напад со нож што се случи вечерва во градот Елад во близина на Тел Авив, соопштија израелски лекари. Полицијата се сомнева дека зад нападот стои екстремист кој побегнал со возило од местото на крвавиот настан.

Безбедносните сили поставија блокади на околните патишта, а подрачјето го надлетуваат и хеликоптери во обид да го лоцираат напаѓачот.

Палестинската есктремистичка група Хамас го пофали нападот, но не презеде одговорност за него, додека Израел денеска го одбележува Денот на независноста.

Тензиите меѓу Израелците и Палестинците бележат пораст во последните недели по серијата напади во Израел, воените операции во окупираниот Западен брег и насилствата во светилишто во Ерусалим.

Share.