Можната коалиција за состав на Влада, укинувањето на левот, односите со претседателот Румен Радев, беа само дел од темите во вчерашното прво интервју на претседателот на „Има таков народ“, Слави Трифонов за Бугарската национална телевизија.
На прашањето, пак, дали Бугарија треба да го смени ставот и да го симне ветото за почетокот на преговорите за членство на Република Северна Македонија со ЕУ, Трифонов коментираше дека сегашната позиција на Софија е исправна и се додека односот на Скопје и Македонците кон Бугарија не се смени, нема да се промени ниту одлуката за ветото.
-Не мислам дека бугарската позиција по ова прашање треба да се промени. Каква што е сега треба и да остане. Топката е кај нив и тие мора да направат нешто за да ја променат нашата одлука. Ние долго време имавме прекрасни односи со нив. Нивната реакција не беше таква, рече Трифонов.