Каиро: Египетските власти соопштија дека 28 лица се спасени, а 17 се водат како исчезнати откако туристички брод потона во Црвеното Море.
Повикот за помош беше примен во 5:30 часот по локално време од бродот „Sea Story’, кој го напушти пристаништето во близина на Марса Алам во саботата на петдневно нуркачко патување со 31 турист и 14 членови на екипажот.
Генерал-мајор Амр Ханафи рече дека преживеаните се пронајдени во областа Вади ел-Гемал, која се наоѓа јужно од Марса Алам, и дека ја добиваат потребната медицинска нега.
Тој додаде дека воениот брод на египетската морнарица „Ел Фатех“ и воените авиони ги интензивираат напорите за лоцирање на исчезнатите.