Полицијата фрлаше солзавец против демонстрантите, кои го пробија полицискиот кордон и фрлаа камења врз зградата на Владата на Тузланскиот кантон.
Во истовреме во знак на поддршка се собраа луѓе во Сараево, Бихаќ и Зеница.
Меѓу 2.000 и 3.000 демонстранти околу 13 часот го пробија полицискиот кордон кој го обезбедуваше седиштето на зградата на Владата на Тузланскиот кантон, а пред влезот ставаа цвеќиња и палеа свеќи за министрите, по што почнаа со петарди, бакли и јајца да фрлаа врз зградата, јавуваат босанските медиуми.
Граѓаните на Тузла заедно со работниците од тузланските фабрики денеска се собраа пред Владата на Тузланскиот кантон.
На Фејсбук е формирана група- 50.000 луѓе на улица за подобро утре , која досега брои над 12.000 членови каде се објавуваат фотографии и видеа од улиците на Тузла.
Демонстрантите бараат да бидат ослободени сите уапсени на протестот вчера и Владата да си поднесе оставка.
Протестот преку Фејсбук го организираше групата „Удар“, кои ги организираа работниците од петте пропаднати индустриски претпријатија и незадоволните граѓани.
Уапсени се 27 луѓе, од кои 22-ца се ослободени и против нив се поднесени кривични пријави, а пет се задржани во притвор.
Според официјалните податоци во судирите се повредени 17 полицајци и осум граѓани.