Обвинителството од Славоснки брод го заврши увидот на местото на тешката сообраќајна незгода во која животот го загубија 10 патници, а над 20 се повредени и се пренесени во локалната болница, пренесуваат хрватските медиуми.
Возачот на автобусот бил приведен во полиција, каде признал дека „за миг задремал“. Се собираат докази врз основа на кои ќе му биде поднесена кривична пријава“, велат од обвинителството.
Заменик државниот правобранител на општината Славко Прањиќ спроведе истрага на местото на несреќата.
“Возачот на автобусот беше пронајден на местото на настанот, во меѓувреме беше уапсен. Спроведена е истрага, се преземаат други доказни активности за покренување кривична постапка. Возачот е уапсен под сомнение дека управувал моторно возило на начин што се движел неправилно. Тој изјави дека заспал за момент, но тоа ќе го утврдиме подоцна“, додаде Прањиќ.
Обвинителството констатира дека автобусот на Дева Турс од Приштина кој патувал од Франкфурт за Приштина, излетал на тревнатата банкина на јужната страна од коловозот.
Според неофицијалните информации, возачот го презел управувањето на автобусот на граничниот премин Брегана, меѓу Словенија и Хрватска, каде што се смениле со својот колега кој возел од Франкфурт до таму. Тој и девет патници смртно настрадаа во несреќата.