Финска наскоро можеби ќе направи најрадикална промена во образовниот систем, која досега е направено на таков начин што ќе ги отфрли „предметите” и ќе се проучуваат феномените.
Оваа скандинавска земја веќе има еден од најдобрите образовни системи, а младите Финци беа меѓу првите во ранг на Пиза.
Сепак, поголемиот дел од 16-годишниците веруваат дека учењето е преобемно, а надлежните планираат да ги послушаат и да воведат систем на истражување феномени, како што се Европската унија, во кои студентите ќе се запознаат со јазици, историја, политика и географија.
Системот е унифициран, секој сегмент има одредено време, а целта на сето тоа е да се елиминира честото прашање: “Што е поентата на она што јас го учам“?
Менаџерот за развој од Хелсинки – Паси Силандер, укажува дека светот толку многу се променил благодарение на напредокот во технологијата, што старите начини на образование немаат никаква практична примена.
„Младите сега користат компјутери. Да ги земеме за пример банките, некогаш тие имаа голем број на персонал, а сега, голем дел од нивната работа ја вршат машини”, вели Силандер.
Сепак, на системските промени се противат наставниците кои се „специјализирани” за еден предмет и не е тешко да се заклучи зошто. Новиот систем ќе ги принуди да го прошират своето знаење, како и меѓусебно да соработуваат.
„Наставниците кои би го прифатиле тоа, ќе добијат бонус. Постојат училишта, кои имаат старомоден системи кој се користел во минатиот век. Сега нам ни треба нешто ново, нешто што ќе се применува во 21 век “, вели менаџерката за образование Марјо Килонен.
Таа додава дека новиот систем на образование до 2020та може да се прошири во сите училишта во државата.