Еден од најбогатите монарси во светот, претседателот на Обединетите Арапски Емирати, шеикот Калифа бин Зајед ал Нахјан, почина на 73-годишна возраст. Шеикот Калифа беше претседател на ОАЕ од 2004 година, но неговата улога беше главно церемонијална откако доживеа мозочен удар во 2014 година.
Неговиот полубрат Мохамед бин Зајед ал Нахјан сега е задолжен за државните работи.
Се верува дека семејството Ал-Нахјан има богатство од 150 милијарди долари.
Покрај тоа што беше претседател на ОАЕ, шеикот Калифа беше и владетел на Абу Даби, главниот град богат со нафта на седумте емирати кои ги сочинуваат ОАЕ.
Веста за неговата смрт ја објави официјалната новинска агенција WAM.
Министерството за претседателски работи од денес прогласи 40 дневна жалост со знамиња на половина копје, а работата во јавниот и приватниот сектор е прекината во првите три дена.
Шеикот Калифа ја презеде функцијата втор претседател на ОАЕ во ноември 2004 година, наследувајќи го својот татко како 16-ти владетел на Абу Даби. Во првата деценија од неговото владеење, тој претседаваше со големо реструктуирање и на федералната влада и на онаа на Абу Даби. Но, по неговиот мозочен удар, тој ретко беше виден во јавноста, иако продолжи да издава пресуди.
Според уставот на ОАЕ, потпретседателот Шеик Мохамед бин Рашид ал-Мактоум, владетел на Дубаи, ќе биде привремен претседател. Федералниот совет, кој ги собира владетелите на седумте емирати, мора да се состане во рок од 30 дена за да избере нов претседател.(Би-Би-Си)