Скопје: На вчерашната Свечена Светосавска академија, во организација на Српскиот културен центар, по повод Свети Сава – националниот празник на српската заедница, Мицкоски посочи дека и Свети Климент и Свети Сава ја разбираат силата на знаењето и духовноста како средства за создавање посилни заедници.
Според него, српската заедница во Македонија е важен дел од општеството, таа претставува жив сведок на нашата мултикултурна и мултиетничка традиција и преку својата култура и традиција активно придонесува кон културното богатство на нашата земја.
Српскиот Партријах Порфириј изјави дека една црква е многу позначајно од кое било друго единство. Сподели радост што денеска заедно со значајни претставници од заедниците и институциите прославуваат 850 годишнина од раѓањето на Свети Сава.
Милорад Додик, претседател на Република Српска рече дека најважниот дел во нивниот идентитет е токму српската православна црква.
Годинашниот добитник на свечената повелба, министерот за култура на Република Србија, Никола Селаковиќ, одржа беседа за Свети Сава.