Претседателката на Европката Комисија, Урсула фон дер Лајен и претседателот на Европскиот совет Шарл Мишел остро ја осудија руската воена агресија врз Украина и најавија нови санкции против Руската Федерација.
„Силно ја осудуваме руската воена агресија без преседан врз Украина. Со неиспровоцирани и неоправдани воени дејствија, Русија грубо го крши меѓународното право и ја поткопува европската и глобалната безбедност и стабилност“, рекоа Фон дер Лајен и Мишел во заедничката изјава.
Russian forces invaded Ukraine, a free and sovereign country.
We condemn this barbaric attack, and the cynical arguments used to justify it.
Later today we will present a package of massive, targeted sanctions.
https://t.co/AHtTVEvHgV— Ursula von der Leyen (@vonderleyen) February 24, 2022
Руските сили истрелаа проектили врз неколку градови во Украина и ги истоварија силите на нејзините јужни брегови, објавија украинските власти и медиуми, откако претседателот Владимир Путин одобри, како што рече, специјална воена операција на истокот.
Мишел и Фон дер Лајен ја повикуваат Русија веднаш да ги прекине нападите, да ги повлече своите сили од Украина и целосно да го почитува нејзиниот територијален интегритет, суверенитет и независност.