Украински борец од опколената челичарница Азовстал во Мариупол во видео порака говори за тешките услови во кои се наоѓаат војниците и цивилите. Вели дека преостанатите бранители „сносат тешки жртви“ додека траат жестоките напади на Русија.
Lieutenant Illya Samoilenko is still trapped in the Azovstal steel plant in Mariupol and tells Sky News that “we’re taking heavy casualties” and “every day may be our last”.
Latest: https://t.co/ZeprhNWkgn
📺 Sky 501, Virgin 602, Freeview 233 and YouTube pic.twitter.com/mNfImNBkBz
— Sky News (@SkyNews) May 10, 2022
Поручник Илја Самојленко, припадник на баталјонот Азов, за „Скај њуз“ истакна дека бројот на повредени и загинати војници е „многу висок“ и дека неговите соборци заслужуваат соодветна нега.
„Никој не очекуваше дека толку долго ќе издржиме против Русите, но ние, сепак, се бориме. Имаме големи, тешки загуби“, додаде тој.
Украински официјални лица веруваат дека во челичарницата се останати околу 100 цивили, меѓутоа Самојленко рече дека, колку што знае, сите се евакуирани.
Тој истакна дека имаат „исклучително ограничени ресурси“ и веруваат дека „секој ден би можел да е нивни последен“.
„Нашиот живот не значи ништо, но нашата борба значи се“, заклучи Самојленко.