– АД ЕСМ испорачува исклучиво електрична енергија произведена од домашните капацитети. Кон ЕВН Хоум за потребите на граѓаните и малите потрошувачи се испорачува електрична енергија произведена во електраните на АД ЕСМ, ТЕЦ Неготино и ТЕ-ТО, не се увезува струја и нема недостиг, вели меѓу другото во видео изјавата директорот на АД ЕСМ, Васко Ковачевски.
Тој зборува и за тоа дека Владата го задолжи ЕСМ да обезбеди електрична енергија и за планираниот процент загуби во мрежа на ЕВН и МЕПСО, со цел да се обезбеди и таа енергија по домашни цени, вели првиот човек на ЕСМ.
– Сето тоа се прави со поддршка од Владата на Р. Северна Македонија и со финансиски план, со цел успешно да излеземе од енергетската криза. Засега менаџираме успешно, средствата кои се наменети досега за справување со кризата се значајни, но се многу помали од тоа што е потрошено во земјите од регионот. Активно сме вклучени со сите капацитети за максимално производство на електрична енергија, и за менаџирање и на кризата со електрична енергија и на кризата со снабдување со топлинска енергија, дециден е Ковачевски во видео-изјавата.