Бугарката Сашка Русева, која тврди дека е му мајка на плавокосото девојче Мари, која беше пронајдена во ромска населба во Грција, вели дека го оставила детето зашто немала пари за да ја прехранува.
Ова е изјавата која Сашка му ја дала на бугарскиот истражител, објаснувајќи дека девојчето го родила додека била во Грција во 2009 година, објавува Си-Ен-Ен.
“Ја дадовме без да земеме пари. Немав храна за детето“, рекла Сашка Русева.
Нејзиниот 15-годишен син Исак им рекол на новинарите дека мајка му откако ги видела снимките на Мари на телевизија не престанува да плаче.
Денеска се очекуваат резултатите од ДНК тестирањето кои би потврдиле дека Сашка навистина е мајка на девојчето.
Грција покрена обвинение против ромскиот пар Елефтерија Димопоуло (40) и Кристос Салис (39) кои тврделе дека се родители на детето, но ДНК тестот ги порекна нивните тврдења.
Девојчето случајно беше пронајдено во нивната куќа во ромската населба за време на полициска рација за пронаоѓање дрога и оружје. Властите се сомневаат дека парот го купил девојчето и дека имале намера да ја омажат на 12 години.