Завршија кратките одвоени координации на учесниците на средбата за извештајот на експертската комисија за случувањата на 24 декември, минатата година и тие се вратија на расправата за усогласување на ставовите.
Премиерот Груевски, со својот соработник Протуѓер и членовите на комисијата од ВМРО – ДПМНЕ излегоа надвор во дворот на Клубот на пратеници. Додека претседателот на СДСМ, Заев, Шеќеринска и членовите на комисијата предложени од СДСМ останаа внатре.
Како што веќе информираше НОВА на средбата присуствуваат двајца претставници од меѓународната заедница.
>>Одвоени координации во Клубот на пратениците
„Очекувам резултат од дијалогот и се надевам дека СДСМ ќе ја препознае важноста, пред се за државата, од успешното завршување на овој дијалог, ќе ги надмине теснопартиските интереси и ќе успееме во наредните четири дена да дојдеме до решение“ изјави премиерот Никола Груевски пред денешниот состанок на ад хок Комисијата за расчистување на настаните од 24 декември.
“Очекувам комисијата да констатира дека на 24 декември имало уставни прекршувања”, изјави лидерот на СДСМ Зоран Заев.