Нападот врз украинската новинарка е снимен со камера која била инсталирана во автомобилот.
Полиција во Киев отвори кривична постапка по нападот на опозициската активистка и новинарка Татјана Чорновил, која сообраќајците ја пронашле фрлена во канал во вторникот.
Черновил е позната по тоа што ја истражува корупцијата меѓу високите државни функционери.
Според извештајот на полицијата непознати напаѓачи во близина на Киев го застанале возилото на Черновил, го скршиле задното стакло, по што ја извадиле од автомобилот. Ја претепале и оставиле во канал покрај патот.
Се претпоставува дека причина за ваквиот немил настан е списокот со имот на највисоките владини претставници кои Черновил го објавила неколку часа пред да биде нападната.