Во видеото се гледа авионот (силуета на авионот во мракот-тешко видливо, но со јасни зраци) кој вертикално паѓа кон земјата, проследено со силна експлозија која го осветлува небото. Запалените остатоци од авионот беа расфрлани на површина од 250.000 квадратни метри.
Летот на Татарстан ерлајнс Боинг 737, од Москва Домодедово аеродромот, се сруши при вториот обид да слета и експлодираше кога се удри во пистата, при што загинаа сите 44 патници и шест членови на екипажот.
Руските служби за итни случаи ги истражуваат причините за урнувањето на авионот.
Персоналот на руското министерството за вонредни состојби пристигна во главниот град на руската република Татарстан рано утрово за да помогне во истрагата. Во авионот немало деца, изјави портпаролот на Министерството.
Комерцијалните летови кон и од аеродромот во Казан се прекинати.
И синот на претседателот на Татарстан, Рустан Миниханов, Ирек патувал со авионот, јави ИТАР-ТАСС. Казан се наоѓа на 720 километри источно од Москва.