Претседателот на ВМРО-ДПМНЕ, Христијан Мицкоски, вечерва во Охрид го промовираше кандидатот на ВМРО-ДПМНЕ за градоначалник, доктор Кирил Пецаков. Мицкоски презентираше проекти од програмата „Македонија за сите луѓе“, посочувајќи дека прв таков проект ќе биде „мојот данок за мојот проект во мојата општина“.
„Граѓаните ќе можат средствата кои што ги уплаќаат во данокот за имот практично во општинскиот буџет наместо тие средства да се трошат во непродуктивни трошоци, наместо да се трошат во скапо ручеци, патувања и други луксузирања, да можат да изберат за кои проект да ги потрошат тие средства и кој проект да биде реализиран. И вториот проект кој што ќе го презентираме е етапното институционалното децентрализирање, односно по преземањето на власта имајќи предвид дека Охрид е колевка на културата не само во Македонија, бидејќи Охрид е на светот, планираме сите оние институции кои што се поврзани со културата и останатите да ги мигрираме од Скопје практично тука во Охрид, вклучително во крајна мерка и самото Министерство за култура, така ќе постапуваме и со други градови и општини во Македонија, мигрирање на институциите, односно институционална децентрализација“, рече Христијан Мицкоски.