За првпат од почетокот на пандемијата во Германија се регистрирани над 80.000 новозаразени со Ковид-19 за 24 часа, јави ДПА.
Новите случаи на зараза се 80.430 според податоци на институтот Роберт Кох, и тоа е над 21.500 случаи повеќе во споредба од пред една недела.
За седум денови новозаразените на 100 илјади лица се зголемија на 407,5 наспроти 387,9 на 100.000 за седумдневен период ден претходно. Пред една недела таа цифра беше 258,6 на 100.000 луѓе. Бројот на смртни случаи е 384 спрема 346 еднa недела претходно.
Од почетокот на пандемијата во Германија од Ковид-19 починале 114.735 лица.