Добро е што се чини дека оние кои ја прележале стандардната варијанта омикрон ќе останат имуни на новата, изјави Каиќ за загрепската телевизија N1.
Откако во Хрватска е потврдено присуство на подвидот на омикрон, БА.2, епидемиологот Бернард Каиќ вели дека се уште не знае дали таа подваријанта е поопасна, но дека постојат индикации дека е малку позаразна, иако не смета дека има голема разлика меѓу омикронот и подваријантата на тој сој.
Тој додаде дека се чини оти оваа подваријанта на омикрон нема влијание врз ефикасноста на вакцината против коронавирус или врз заштитата добиена по прележувањето на болеста.
– Добро е што се чини дека оние кои ја прележале стандардната варијанта омикрон ќе останат имуни на новата, изјави Каиќ за загрепската телевизија N1.
Според него, „ако оваа подваријанта е позаразна, тогаш не се исклучува можноста тоа да го продолжи времетраењето на петтиот бран на епидемијата, но не предолго“.
Претходно, денеска во Хрватска е потврдено присуство на подваријантата на омикрон – БА.2.