Во нашата држава нема референтна лабораторија која треба да го испитува нивото на пестициди во земјоделските производи, а лабораториите вршат анализи на пастициди кои веќе не се користат и одамна се исфрлени од употреба вели во интервју за НОВА Биљана Петановска Илиeвска професорка на Земјоделски факултет.
Јавноста деновиве беше вознемирена по случајот со македонките краставици полни со пестициди кои беа откриени во Хрватска, како и со грозјето кое беше повлечено од маркетите во Франција, поради прекумерна количина на пестициди.
Во интервју за НОВА професорката Биљана Петановска Илиевска од Земјоделскиот факутетет тврди дека високото ниво на пестициди над дозволеното , во земјоделските производи може да предизвикаат канцерогени заболувања, мутации кај малите деца и фетусот во мајката, оштетување на бубрезите, цироза на црниот дроб, стерилитет кај мажите, да го нарушат здравјето кај изнемоштените луѓе со нарушено здравје.
Професорката Петановска Ивановска смета дека во Македонија треба да се прави поголема контрола и едукација како на производителите, така и на потрушувачите.
-На Македонија и недостасува контрола . Ако Холандија која има помалку сончеви денови може да произведува безбедни производи, тогаш Македонија може да биде Калифорнија по производство на безбедна храна, само доколку има контрола вели во интервју за НОВА професорката Петановска Илиевска.
Голем проблем е што во нашата држава нема референтна лабораторија која треба да ги прави анализите. Во постоечките лаборатории се прават анализи за остатоци од пестициди кои веќе не се користат и одамна се исфрлени од употреба вели Петановска Иливеска. Таа нагласува дека државата треба да предвиди колку анализи ќе се прават во текот на годината, а потоа да се акредитираат лаборатории.