Првиот човек на Алијанса за Албанците, Зијадин Села денеска во Собрание изјави дека пописните резултати биле со многу проблематични работи во нив. Според него во објавените резултати имало работи кои биле противзаконски, како што за попис биле предвидени етнички заедници кои се противуставни и не постојат.
– Македонските муслимани ги имаше во пописот, а ги нема во резултатите. Колкав е нивниот процент и каде е пресметан тој. Во пописот учествуваат сите етнички заедници кои се предвидени во Преамбулата на Уставот или ако тоа треба да се дозволи за сите не мора да стои една или друга етничка заедница, туку да стојат сите. Овој момент, го прави противуставен Пописот и става недоверливост на резултатите поради тоа што немаме одговор каде се регистрирани, изјави Села.
Сепак за Села најнезаконска бројка во Пописот 2021 се 132 илјади граѓани кои, како што рече, се тука но се без наведен идентитет, јазик, религија, само број и затоа смета дека бројката е противзаконска и противуставна и го повика Државниот завод за статистика да ја повлече.