Во пресрет на утрешниот Меѓународен ден на среќата, Обединетите нации и годинава го публикуваа извештајот за глобалниот индекс на среќата и ако за скандинавскиот регион веќе петта година нема значајни поместувања, нашата држава скокнала дури за пет места за разлика од лани , кога е во прашање среќата кај нацијата.
Па така, петта година по ред, Финска е прогласена за најсреќната држава на светот, добивајќи високи оценки за сите параметри од Светскиот извештај за среќата, како што се: очекуван животен век, БДП по глава на жител, социјална поддршка и ниска корупција.
Данска и Исланд, Швајцарија, Холандија, Луксембург, Шведска, Норвешка, Израел и Нов Зеланд, зе земјите кои ги има во низата зад Финска.
Македонија се најде на 89. место, што претставува скок од пет позиции во однос на ланскиот извештај. Во регионот најдобро котира Словенија, која е на 22. место. Инаку, рангирањето опфати 146 држави.
Најнесреќна држава на светот фигурира Авганистан, која ја предводи „неславната петка држави“ или дното на листата на која се и Либан, Зимбабве, Руанда и Боцвана.
„Истражувањето покажа дека високиот пласман не зависи толку од културата, туку повеќе од тоа како институциите водат сметка за своите луѓе“, вели Франк Мартела од Универзитетот во Алто.