Изминативе 100 дена власта се однесува арогантно со народот. Цената на струјата е зголемена за 30%, а на парното греење за 15%. Народот плаќа поскапи сметки, и сето тоа затоа што владата е арогантна и не ги послуша експертите и ВМРО-ДПМНЕ кога даваа решенија за енергетската криза, реагираат од опозициската партија.
Зголемени се цените на брашното, лебот, зејтинот, млекото, горивата сите се зголемени во дијапазон од 70% до 100%, пресметале од опозициската партија.
Власта овие 100 дена, но и изминативе 5 години е неспособна и затоа што во ек на светска криза за храна, родот на нашите земјоделци останува да скапува по нивите затоа што или нема откуп или цените се ниски и нерентабилни.
Стоте дена влада, како што се нотира во соопштението од ВМРО – ДПМНЕ, ќе биле запаметени по Мухамед Зекири, по обид да се сокриеле убиство, кражба на оружје, кражба на масло од марихуана во висина од 2 милиони евра и по дрскост и неспособност, заклучуваат од ВМРО – ДПМНЕ.