„Зад аголот“ е името на свежиот скопски хип-хоп состав кој на домашната сцена официјално се појави во 2011 година, а во средината на 2012. го промовираа нивниот прв албум “Чувај го вистинко волу.1.”кој од слушателите на “Балкан хип хоп радио” е прогласен за најдобар македонски хип хоп албум за 2012.
Минатата недела момците го промовираа нивното ново видео за песната “Јас и ти” кое ги поместува границите за тоа како треба да изгледа домашниот хип хоп, а тоа е особено видливо токму на овој видео спот.
Ова музичко остварување, како и видеото е прв проект од ваков карактер за групата „Зад Аголот“, а коментарите во музичките кругови се дека се работи за квалитетна музика и професионално аудио визуелно дело.
„Зад Аголот“ го најавија нивниот самостоен концерт за 12. април во МКЦ
Како поддршка на „Зад Аголот“ ќе настапи Владимир Аговски – Аго, еден од основоположниците на рапот и хип-хоп културата во Македонија. Познат преку култните „The Most Wanted“ и „Темната Страна“,
Втор гостин на концертот ќе биде Игимен, младиот македонски блузер Игор Станоевски кој меѓу другото има свирено и со славниот Грег Рајт познат како поранешен гитарист на Мајкл Џексон. Игимен се најде меѓу топ-10 артисти на „Плеј крос роудс“, еден од најголемите натпревари за рок и блуз-гитаристи, поради што тој има шанса да свири и со Ерик Kлептон во „Медисон сквер гарден“.