Во интервју за порталот lokalno.mk премиерот Зоран Заев ги коментираше актуелните односи со соседна Бугарија.
“Односите со Бугарија ги темелиме на Догоорот за добрососедство и соработка меѓу двете земји кој е добра појдовна точка за затворање на сите отворени прашања.
Убеден сум дека постои добра шанса, секое отворено прашање, па и во однос на Гоце Делчев да најдеме решиме на начин на кој и двете страни ќе бидат задоволни. Низ отворен процес на соработка покажавме дека можеме да ги надминеме спорните прашања од минатото и да се сплотиме околу она што е заедничко за иднината на двете држави, а тоа е засилена соработка, партнерство и заемна доверба. Делчев не може да не двои, Делчев дејствувал за напредни идеи кои поврзуваат.
Во негова чест и во чест на неговите големи идеи и дела, сигурен сум дека и маккедонскиот и бугарскиот народ, и двете држави ќе го следиме патот кој води напред, а кој веќе ни е јасно исцртан и со Договорот и низ евроатлантските процеси” изјави премиерот Заев.