Државите кои ја опкружуваат Србија го затворија небото за прелет на авионот на рускиот министер за надворешни работи, Сергеј Лавров и на тој начин затворија уште еден канал за комуникација, рече портпаролката на Министерството, Марија Захарова, истакнувајќи дека Москва не е таа која прави нова „железна завеса“, туку Европа е таа која ја оградува Русија.
Захарова за италијанскиот ТВ канал „Ла7“ рече дека земјите кои ја опкружуваат Србија го затвориле каналот за врска, не дозволувајќи прелет за авионот на Сергеј Лавров кој се подготвуваше за посета на Србија.
„Руската делегација требаше да во Белград поради разговори. Земјите членки на Европската Унија и на НАТО го затворија воздушниот простор, со што истовремено затворија уште еден канал за комуникација“, рече таа и нагласи дека Русија нема намера да подигнува „железна завеса“, но дека тоа го прави ЕУ, пренесува „Спутник“.
„Железна завеса ќе нема, во крајна мера од наша страна. Не мора да се грижите. Европската Унија е таа која ја оградува Русија. Вашите грешки се во тоа што сте премногу егоистични, што мислите дека во центарот на светот и дека покрај вас нема други народи. Немате морално право да учите некого на нешто“, истакна Захарова.
Агенцијата „Ројтерс“ вчеравечер, повикувајќи се на Интерфакс, најави дека посетата на Лавров на Србија е откажана, бидејќи земјите во опкружувањето на Србија го затвориле својот воздушен простор за неговиот авион.
Извор во руското МНР ги потврди пишувањата на српските медиуми во кои се наведува дека Бугарија, Македонија и Црна Гора го затвориле своето небо за прелет на авионот на Лавров до Белград.
За вечерва во 19.30 часот е најавено обраќање и на српскиот претседател Александар Вучиќ.