Далас: Најмалку шест лица на возраст од 3 до 19 години, од кои четири помлади од 15 години, се застрелани во станбена област во Форт Ворт, Тексас. Инцидентот се случил синоќа околу 19:30 часот кога полицијата добила дојава за пукање во западниот дел на градот.
Кога полицијата пристигна на местото на настанот во 19 часот и 38 минути, на паркингот пронашла неколку жртви со прострелни рани. Шест од нив се здобиле со полесни до тешки повреди, соопшти полицијата во Форт Ворт.
Пет жртви биле префрлени во локалните болници, додека една одбила лекување. Засега не се знае каква е состојбата на жртвите кои се пренесени во болница.
Надлежните сметаат дека станува збор за изолиран инцидент и дека нема понатамошна опасност за јавноста. Покрената е истрага, а полицијата трага по напаѓачите.