Женската репрезентација на Канада го освои златниот медал на хокеарскиот турнир на Олимпијадата во Пекинг. Канаѓанките рано утрово ги совладаа своите ривалки од САД со 3:2 (по третини 2:0; 1:1; 0:1).
Двоен стрелец за победничката репрезентација беше Мари-Филип Пулен, еднаш погоди Сара Нерс. За Американките реализираа Хилари Најт и Аманда Кесел.
За Канада ова е петти златен медал на Олимпијадите, откако нејзините хокеарки победуваа на ЗОИ во 2002, во 2006, во 2010 и во 2014 година.
САД не успеаја да го одбранaт златото освоено на претходната Олимпијада, во Пјонгчанг 2018 година.