Францускиот предлог и евроинтеграцискиот процес на Северна Македонија се двете топ теми на кои претпладнево во Скопје разговараа специјалниот германски претставник за Западен Балкан, Мануел Сарацин и вицепремиерот за европски прашања Бојан Маричиќ. Маричиќ и Сарацин разговараа и за состојбите во регионот, а по средбата се одржува и оваа заедничка прес-конференција.
Инаку, посетата на Сарацин се случува на ден по престојот на претседателот на Европскиот совет, Шарл Мишел, а двете се реализираа во последните три денови, период кој од СЕП го оценуваат за клучен и важен историски момент за да се даде поддршка на францускиот предлог за почеток на преговорите со Европската Унија и да се потврдат уште еднаш македонските позиции.