Република Северна Македонија денеска и утре го чествува државниот празник 11 Октомври – Ден на народното востание и одбележува 80 години од овој настан со кој во 1941 година беше означен почетокот на народно-ослободителната војна и заокружувањето на раѓањето на македонската држава.
Програмските содржини од централната манифестација, во организација на Владата на Република Северна Македонија и Општина Прилеп започнаа денеска со свечен почеток на плоштадот „Методија Андонов Ченто“ во градот херој Прилеп.
Празничната програма потоа ќе продолжи со настапот на воениот оркестар на Армијата на Република Северна Македонија и ќе заврши со традиционалниот импровизиран напад на градот како реминисценција на настаните од 11 октомври 1941 година.