Автор: Мијат Лакичевич за Пешчаник
За таканареченото „македонско сценарио“ со кое Александар Вучиќ ги бомбардира граѓаните на Србија во последно време и преку рекламните спотови, веќе пишувавме но бидејќи заканите не престануваат, па дури тој и ги засилува, мора да повториме и нагласиме некои работи.
Што е тоа, најпрвин, што се случува во Македонија? Накратко, опозицијата успеа да направи мнозинство во Собранието доволно за да состави нова влада. Потоа, претседателот Иванов одби да го предаде мандатот на новото мнозинство за формирање влада, а поранешниот премиер Груевски, кој одбива да ја предаде власта, организира демонстрации. Немирите се последица на одлуката на претседателот и премиерот практично да не ги признаат резултатите од изборите.
Македонското сценарио во Србија според ова не е тешко да се изведе заклучок дека за Вучиќ, кој во случај да победи, значи дека барем некое кратко време ќе биде дупли претседател на Владата и Републиката, што не било случај ниту во време на комунистите, а ретко се случува и во латинско- американските диктатури. Доколку пак изгуби, нема да сака да ги признае резултатите на изборите. И ќе се организираат немири. Нема сомневање дека тој е единствен во ситуација тоа да го направи. Зарем тој со својата армада тоа веќе не го манифестираше ширум цела Србија за време на претседателската кампања?
Овде има и уште еден важен детаљ. Кој всушност воопшто не е ситен и може да биде од пресудно значење. Се уште актуелното раководство на Македонија, кое одбива да ја почитува народната волја, ужива во полна поддршка од Русија и нејзиниот претседател, Владимир Путин. Се наметнува прашањето, дали можеби Вучиќ, за тоа разговарал со него пред некој ден во Москва. Бидејќи клучното прашање кое Путин го поставува, она кое како што се вели во весниците, „го вратил од врата“, се однесувало на регионалната политичка ситуација и регионалната стабилност.
Украинското сценарио, и на тоа да потсетиме, кое Вучиќ во првите настапи исто така го користеше како метафора, но веќе не го споменува – почна многу слично како македонското. И таму, раководството на државата одби да ја почитува народната волја изразена во одлучното определување Украина да оди по патот на приклучување на Европската унија. И тоа раководство, кое во меѓувреме е тргнато, исто така имаше поддршка од Русија и Путин, што на крајот доведе до граѓанска војна, поделба на земјата и руска анексија на Крим.
„Ракописот“ на Путин станува се повеќе препознатлив и јасен. Тоа силно оружје кое Русија малтене за џабе и го дава на Србија, всушност е „данајски“ подарок. Туе тенкови, кои секој час треба да стигнат, се тројански коњ со кој Русија се обидува да ја окупира Србија.
Изборите се прилика ова сценарио да се сосече во корен.